काठमाडौं। देशभर २५ जना कोरोना संक्रमितको मृत्यु भएको छ ।
मृत्यु हुनेमा काठमाडौंमा मात्रै ७ जना रहेका छन् । यसैगरी भक्तपुर , काभ्रे र मोरङका २/२ जनाको मृत्यु भएको छ ।
झापा, सुनसरी, चितवन, दोलखा, सिराहा, सप्तरी, नवलपुर, कास्की, पर्वत, बाग्लुङ, दाङ र कैलालीका १/१ जनाको मृत्यु भएको विभिन्न प्रदेशका सामाजिक मन्त्रालयहरूले जनाएका छन् ।
विराटनगरमा मात्रै पछिल्लो २४ घण्टामा ५ जना कोरोना संक्रमितको मृत्यु भएको छ । विराटनगरमा एक दिनमा यति धेरै मत्यु पहिलो पटक हो ।
विराट नर्सिङहोममा उपचाररत दुई जनाको मृत्यु भएको अस्पतालले जनाएको छ । मृत्यु हुनेमा सुनसरीको धरान उपमहानगरपालिका– १२ की ७५ वर्षीया महिला रहेकी छन् । अर्का मृतक सप्तरीको मौली– ५ का ६० वर्षीय पुरुष हुन् ।
यस्तै, न्युरो अस्पतालमा दुई जनाको ज्यान गएको छ । विराटनगर महानगरपालिका– ७ की ४५ वर्षीया महिला र विराटनगर ३ का ६५ वर्षीय पुरुषको मृत्यु भएको अस्पतालले जनाएको छ ।
यसैगरी कोसी अस्पतालको कोभिड-१९ उपचार केन्द्रमा झापा सुरूङ्गाका एकजना पुरूषको मृत्यु भएको छ ।
स्वास्थ्य मन्त्रालयले बिहीबार अपरान्ह १७ जनाको मृत्यु भएको तथ्याङ्क अपडेट गरेको थियो । साँझ सम्म यो संख्या बढेर २५ पुगेको छ ।
प्रतिक्रिया