नेपालगन्ज । बाँकेका ७४ जनाले दशैंको अन्तिम दिन कोजाग्रत पूर्णिमाका दिन घरको टीका लगाउन पाउने भएका छन् । आइसोलेसन अवधि पुरा गरेर शुक्रबार ७४ जना डिस्चार्ज हुने भएपछि उनीहरुले घरको टीका थाप्न पाउने भएका हुन् ।
स्वास्थ्य कार्यालयका अनुसार उनीहरु डिस्चार्ज भएर घर फर्केपनि भौतिक दुरी र स्वास्थ्य सुरक्षा भने कायम गर्नु पर्ने छ । स्वास्थ्य मन्त्रालयको पछिल्लो परिपत्रको बिना लक्षण १० दिन आइसोलेसन बसेकालाई थप ७ दिन होम आइसोलेसनमा बस्ने गरि डिस्चार्ज गर्ने नीति अनुसार उनीहरुलाई डिस्चार्ज गरिएको बाँके जिल्ला कोभिड १९ संकट ब्यवस्थापन केन्द्रका कोरोना फोकलपर्शन नरेश श्रेष्ठले बताए ।
बाँकेमा आज डिस्चार्ज भएसँगै २७८६ जना डिस्चार्ज भएका छन् । बाँकेमा ३०७७ जनामा संक्रमण पुष्टि भएकोमा ३० जनाको मृत्यु भएको छ ।
प्रतिक्रिया