बाँकेमा ७० वर्षीया कोरोना संक्रमित महिलाको मृत्यु

नेपालगन्ज । आइतबार साँझ कोरोना संक्रमणबाट थप एक जनाको मृत्यु भएको छ ।

संक्रमणबाट नेपालगन्ज उपमहानगरपालिका-१६, जयशपुर, बाँके निवासी ७० वर्षीया महिलाको उपचारको क्रममा नेपालगन्जस्थित भेरी अस्पतालमा मृत्यु भएको हो ।

जयशपुर निवासी ७० वर्षीया महिलाको आइतबार साँझ ५ बजे मृत्यु भएको जिल्ला जनस्वास्थ्य कार्यलय बाँकेका कोरोना फोकल पर्सन नरेश श्रेष्ठले जानकारी दिए ।

श्वास प्रश्वासमा समस्या भएका ती महिलाको कार्तिक १२ गते स्वाब संकलन गरिएको थियो भने अर्को दिन पीसीआर रिपोर्ट पोजिटिभ आएको थियो ।

संक्रमित महिलालाई रोगको प्रकृति अनुसार गरिनुपर्ने सबै प्रकारको उपचार दिदै गर्दा समेत विरामीको अवस्थामा सुधार नआएपछी आइसीयूमा उपचारकै क्रममा मृत्यु भएको अस्पताल स्रोतले पुष्टि गरेको हो ।

योसंगै बाँके जिल्लामा कोरोनाबाट ज्यान गुमाउनेको संख्या ३३ पुगेको छ । मृतकको शव व्यवस्थापनका लागि प्रमुख जिल्ला अधिकारीबाट समन्वय भैरहेको जनाइएको छ । बाँकेमा आज बिहान कैलालीका र खजुराका संक्रमित पुरुषको मृत्यु भएको थियो ।