धरान । वीपी कोइराला स्वास्थ्य विज्ञान प्रतिष्ठान धरानमा कोरोना संक्रमित युवकको मृत्यु भएको छ ।
सप्तरी महादेवा ६ स्थायी घरमा भएका ३० वर्षीय युवकको सोमबार साँझ ५:४० बजे उपचारका क्रममा मृत्यु भएको हो ।
प्रतिष्ठानका सह प्रवक्ता डा। आशिष श्रेष्ठका अनुसार ती युवकको मंगलबार नै पिसिआर रिपोर्ट पोजिटिभ आएको हो । यसलगत्तै उनलाई प्रतिष्ठानको आकस्मिक कक्षमा भर्ना गरिएको थियो ।
दीर्घ रोगबारे जानकारी नभएको बताएका सहप्रवक्ता श्रेष्ठका अनुसार विरामी युवक पछिल्लोसमय धरान १८ मा बसोबास गर्दै आएका थिए ।
योसंगै प्रतिष्ठानमा हालसम्म कोरोना संक्रमणका कारण ८१ जनाको मृत्यु भएको छ ।
प्रतिक्रिया