कोरोना संक्रमणका कारण पर्सामा एक जनाको मृत्यु

वीरगञ्ज । पर्साका एक पुरुषको कोरोना संक्रमणका कारण मृत्यु भएको छ ।

पर्साको धोबिनी गाउँपालिका ४ का ५० वर्षीय पुरुषको कोरोना संक्रमणका कारण मृत्यु भएको हो ।

ती पुरुषको उपचारको क्रममा सोमबार अपरान्ह साढे ४ बजे नारायणी अस्पतालमा मृत्यु भएको अस्पतालका प्रवक्ता डाक्टर अतुलेश कुमार चौरसियाले जानकारी दिए ।

श्वासप्रश्वासमा समस्या तथा उच्च ज्वरो आएपछि अस्पतालमा सोमबार दिउँसो उपचारको लागि आएका ती पुरुषको उपचारकै क्रममा मृत्यु भएको चौरसियाले बताए ।

निमोनियाले समेत ग्रसित रहेका उनको स्वाब संकलन गरि अस्पतालमै जिन एक्सपर्ट विधिबाट परीक्षण गर्दा उनमा कोरोना पुष्टि भएको थियो ।