काठमाडौं । चीनले नेपालको कुनै पनि भूमि नमिचेको पुन: स्पष्ट पारेको छ ।
चिनियाँ विदेशमन्त्रालयले आज आयोजना गरेको नियमित पत्रकार सम्मेलनमाप्रवक्ता वाङ वेनविनले ‘चीनले नेपालको भूमि कब्जा गरेको भन्दै विभिन्न सञ्चारमाध्यममा प्रकाशित समाचारहरु हल्ला र आधारहीन भएको’ स्पष्ट पारेका हुन् ।
सोमबार ‘द टेलिग्राफ’ले चीनले नेपालको १ सय ५० हेक्टर जमिन मिचेको र संरचनाहरु निर्माण गरेको समाचार प्रकाशित गरेको थियो ।
केही समयअघि प्रमुख प्रतिपक्षी दल नेपाली काँग्रेसले चीनले हुम्लामा सीमा मिचेको आरोप लगाएको थियो । सोही आधारमा नेपाल भित्र र बाहिरका विभिन्न पत्रपत्रिकामा चीनले नेपालको सीमा अतिक्रमण गरेको समाचार प्रकाशित हुँदै आएको छ ।
द टेलिग्राफको समाचारको खण्डन गर्दै चिनियाँ विदेश प्रवक्ता वेनविनले आफ्नो देशले नेपालको नमिचेको बताएका हुन् ।
उनले समाचार प्रकाशित गर्ने संस्थाले नै प्रमाण पेश गर्नुपर्ने जनाएका छन् ।
नेपाल सरकारले भने यसअघि नै चीनले सीमा अतिक्रमण नगरेको स्पष्ट पारेको थियो ।
प्रतिक्रिया