काठमाडौ । नेपाल कम्युनिष्ट पार्टी नेकपा का अध्यक्ष पुष्पकमल दाहाल ‘प्रचण्ड’ले पूर्वसभामुख तथा प्रतिनिधिसभा सदस्य कृष्णबहादुर महराकी पत्नी सीता महराको निधनप्रति दुःख व्यक्त गरेका छन् ।
अध्यक्ष दाहालले आज शोक वक्तव्य जारी गरी दिवंगत सीताप्रति श्रद्धाञ्जलि अर्पण गर्दै शोककूल परिवार तथा आफन्तजनमा समवेदना प्रकट गरेका हुन।
‘असल, सरल, मृदुभाषी र जनताका बीच चाँडै नै घुलमिल गर्न सक्ने क्षमताकी धनी कमरेड सीता तात्कालीन ने.क.पा (माओवादी) द्वारा सञ्चालित १० बर्षे जनयुद्धमा सक्रिय रुपमा पार्टीका विभिन्न कमिटीहरुमा रही आफ्नो भूमिका निर्वाह गर्नुभएको थियो ।’प्रचण्डले जारी गरेको वक्तव्यमा उल्लेख छ ।
महरा लामो समयदेखि माइस्थेनिया नामक रोगबाट पीडित थिइन । उनको उपचारका क्रममा आज बिहान थापाथलीस्थित नर्भिक अस्पतालमा निधन भएको हो ।
प्रतिक्रिया