काठमाडौं । गायक प्रमोद खरेल र गायिका अन्तरा उपाध्यायको युगल स्वरमा रहेको गीत ‘निरमाया’को म्युजिक भिडियो सार्वजनिक भएको छ ।
रमाइलो डान्सिङ शैलीको यस गीतमा शब्द संगीत तुंग नेपालको रहेको छ। यस गीतलाई मोहित मुनालले संगीत संयोजन गरेका हुन ।
युवा युवतीको विचको प्रेम र आकर्षणलाई प्रस्तुत गरिएको म्युजिक भिडियोमा पुष्प खड्का र गरिमा शर्माको अभिनय देख्न सकिन्छ । शुभम भुजेलले कोरियोग्राफी गरेको यस भिडियोलाई बुद्ध थापाले छायांकन गरेका हुन । भिडियोमा विकाश धमलाको सम्पादन रहेको छ ।
निकाश खड्काको निर्देशनमा भिडियो तयार पारिएको हो । ‘नेपसिस्टर्स’ (Nepsisters) को अफिसिएल युट्युव च्यानल मार्फत भिडियो सार्वजनिक गरिएको हो ।
तुंग नेपालले विगत लामो समयदेखि नेपाली भाषा, साहित्य र संगीतको जग्रेना गर्दै विदेशमा रहेको आजको नयाँ पुस्तालाई नेपाली कला संस्कृतिको बारेमा प्रशिक्षण प्रदान गर्दै आएका छन । आगामी दिनहरुमा अझ स्तरिय सिर्जनाहरु प्रस्तुत गर्दै जाने तुंग नेपालले बताएका छन ।
प्रतिक्रिया