रोल्पाका कोरोना संक्रमितको भेरी अस्पताल नेपालगञ्जमा मृत्यु

नेपालगञ्ज । रोल्पाका कोरोना संक्रमितको नेपालगञ्जमा मृत्यु भएको छ ।

लिवाङ नगरपालिका वडा नं.४ रोल्पाका ५६ वर्षीय पुरुषको कोरोना संक्रमणबाट नेपालगञ्जमा मृत्यु भएको हो ।

जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठका अनुसार, लिवाङ नगरपालिका वडा नं.४ का ५६ वर्षीय पुरुषलाई स्वास्थ्यमा समस्या भएपछि रेउघा अस्पतालमा लगिएको थियो ।

त्यहाँबाट कात्तिक १४ गते मेडिकल कलेज कोहलपुर ल्याइएको थियो । कोहलपुरमै हुँदा उनको स्वाव परीक्षण भयो । १५ गते कोरोना पुष्टि भयो । १६ गते भेरी अस्पतालमा ल्याइएको थियो ।

उनको शनिबार राती १२:१० बजे मृत्यु भयो । केही दिनयता बाँकेमा बाहिरी जिल्लाबाट उपचार गराउन आएका कोरोना संक्रमितको दैनिकजसो नै मृत्यु भइरहेको छ ।

बाँकेमा उपचार गराउन आउदा अहिलेसम्म २९ जनाको मृत्यु भइसकेको छ ।