चितवन मेडिकल कलेजमा लमजुङका कोरोना संक्रमितको मृत्यु

चितवन । चितवन मेडिकल कलेजमा थप एक जना कोरोना संक्रमितको मृत्यु भएको छ ।

लमजुङको मध्यनेपाल वडा नं. २ निवासी ४७ वर्षीय पुरुषको उपचारको क्रममा अस्पतालमा आज बिहान मृत्यु भएको अस्पतालले जनाएको छ ।
खोकी, ज्वरो तथा स्वासप्रश्वासको समस्या भई अस्पताल भर्ना भएका ती पुरुषलाई यही कात्तिक २१ गते कोरोना संक्रमण पुष्टि भएको थियो ।

त्यसपछि कोभिड आईसीयू कक्षमा भेन्टिलेटरमा राखी उपचार गरिरहेकै अवस्थामा आइतबार बिहान ४ बजेर ७ मिनेटमा उनको मृत्यु भएको अस्पतालका निर्देशक डा. दयाराम लम्सालले जनाएका छन् ।

मृतकमा रक्तअल्पताको समस्या रहेको थियो ।