सैनामैनाका एकजना कोरोना संक्रमितको बुटवलमा मृत्यु

बुटवल । रुपन्देहीको सैनामैनाबट उपचारका क्रममा लुम्बिनी प्रादेशिक अस्पताल, बुटवल पुगेका एक जना पुरुषको मृत्यु भएको छ ।

स्वास्थ्यमा समस्या देखिएपछि लुम्बिनी प्रादेशिक अस्पताल पुगेको सैनामैना १ का ५५ वर्षीय पुरुषको कोरोना बिशेष अस्पतालमा उपचारका क्रममा मृत्यु भएको लुम्बिनी प्रादेशिक अस्पतालका प्रवक्ता डा. विष्णु गौतमले बताए । डा. गौतमका अनुसार आज बिहान १०ः३० बजे अस्पताल पुगेका उनीमा आजै कोरोना संक्रमण पुष्टि भएको थियो । कोरोना पुष्टि भएलगत्तै कोरोना बिशेष अस्पताल पठाईएकोमा भेन्टिलेटरमा राख्दाराख्दै उनको मृत्यु भएको डा. गौतमले बताए ।

उच्चरक्तचापको समेत बिरामी रहेको उनको उपचारका क्रममा मध्यान्ह १ः३० बजे मृत्यु भएको थियो ।

आज मृत्यु भएसँगै रुपन्देहीमा मृत्यु हुनेको संख्या ७६ पुगेको छ ।