काठमाडौं । चिकित्सा क्षेत्रको सुधारको माग गर्दै पटक पटक सत्याग्रह गरेर चर्चित बनेका डाक्टर गोविन्द केसीलाई कोरोना भाइरसको सङ्क्रमण देखिएको छ ।
ज्वरो तथा खोकीको समस्या बढ्दै गएपछि उनले विहीबार त्रिशुली अस्पतालमा कोरोना परीक्षण गराएका थिए । उनको आज शुक्रबार कोरोना संक्रमण पुष्टि भएको हो ।
केसीलाई श्वासप्रश्वासमा समस्या देखिएको केसीका सहयोगी प्रितम सुवेदीले जानकारी दिए। सुबेदीका अनुसार डा केसीको हाल त्रिवि शिक्षण अस्पतालमा उपचार भइरहेको छ । डा केसीको थप स्वास्थ्य परीक्षण भइरहेको पनि उनले जानकारी दिए । डा केसीलाई डा सुबास आचार्यको टिमले हेरिरहेको छ।
चिकित्सा शिक्षा सुधारको माग गर्दै केसीले अभियान चलाईरहेका छन । केही समयअघि मात्रै उनले जुम्लाबाट सुरु गरेका १९ औँ पटकको सत्याग्रह तोडेका थिए ।
प्रतिक्रिया