नेपालगन्ज । जिल्ला बाहिरबाट उपचारका क्रममा बाँके ल्याईएका थप १ जना कोरोना संक्रमितको मृत्यु भएको छ । कञ्चनपुरको बलौरी नगरपालिका १ का ३२ वर्षीय पुरुषको उपचारका क्रममा मृत्यु भएको जिल्ला कोभिड संकट व्यवस्थापन केन्द्र (डीसीसीएमसी)बाँकेले जनाएको छ ।
डीसीसीएमसीका अनुसार गत कार्तिक २३ गते स्वास्थ्यमा समस्या भएपछि नेपालगन्ज मेडिकल कलेज कोहलपुरमा भर्ना भएका उनको कोरोनाको लक्षणसँग मिल्दो चिन्ह देखिएपछि २५ गते स्वाव संकलन गरिएको थियो । २६ गते उनको पीसीआर रिपोर्टमा कोरोना संक्रमण पुष्टि भएको थियो । उनलाई उपचारका क्रममा अक्सिजन, ट्रनोस्टेट, मेडाजोलम सहित सघन उपचारकक्षमा उपचार गदाएगर्दै आज बिहान ८ः३० बजे उनको मृत्यु भएको डीसीसीएमसीका कोरोना फोकलपर्शन नरेश श्रेष्ठले बताए ।
आज मृत्यु भएसँगै बाहिरी जिल्लाबाट बाँकेमा उपचारका लागि आएका ३८ जना कोरोना संक्रमितको मृत्यु भएको छ ।
प्रतिक्रिया