बुटवल । कोभिड १९ को विषम परिस्थतीलाई मध्यनजर गर्दै यस वर्ष नेवार समुदायहरुले नेपाल सम्वतको शुभारम्भलाई शुभकामना आदानप्रदानमा सिमित बनाएका छन् ।
नेपालको एकमात्र मौलीक सम्वत नया वर्ष नेपाल सम्वत ११४१ लाई बुटवलका विभिन्न गुठिहरु जुटेर शुभकामना आदानप्रदान गरि मनाईएका हुन ।
बुटवलमा क्रियाशिल नेवाः गुठीहरुले संयुक्तरुपमा आयोजना गरेको कार्यक्रमको बुटवल उपमहानगरपालिकाका नगरप्रमुख शिवराज सुवेदीले ट्राफिक चोकमा रहेको राष्ट्रिय विभुति शंखधर साख्वाको मुर्तिमा माल्यापर्ण गरेर उदघाटन गरेका थिए ।
सो अवसरमा बोल्दै सुवेदीले शंखधर साँख्वा नेवार समुदायको मात्र नभई सम्पुर्ण नेपालीको विभुति भएको बताए ।
नेवा पुच नेवा विकास समितिका अध्यक्ष काजिमान श्रेष्ठले कोभिड १९ का कारण स्व बचावलाई मध्येनजर गरि सामान्य रुपमा कार्यक्रम गरिएको बताए । रोग डरलाग्दो भन्दा पनि यसको ब्यवस्थापन गारो विषय भएकोले सार्वजानिक कार्यक्रम रोक्नु परेको उनले बताए ।
नेवा समाज अर्घाखाची रुपन्देहीका अध्यक्ष बाबुराम श्रेष्ठ, नेवा सेवा समितिका सल्लाहकार रामेश्वर श्रेष्ठ, तामनगर नेवा पुचका अध्यक्ष दिपक श्रेष्ठ, भिमसेन नेवा समाजका अध्यक्ष लिला प्रसाद श्रेष्ठ, नेवा सेवा समिति कालिकानगरका अध्यक्ष चिरञ्जीवी श्रेष्ठ, कार्यक्रम संयोजक रबिन्द्र कक्षपतिले शंखधरसाख्वालाई नेवार समूदायकामात्र नबनाई सबैको साझा बनाउन सुझाव दिएका थिए ।
कार्यक्रममा तिलोत्तमा मैजु खलका संयोजनमा कुमारी तयार गरिएको थियो ।
नेवा समूदायले अघिल्ला वर्षहरुमा नेपाल सम्बतलाई मोटरसाईल ¥याली लगायत बिबिध सावैजानिक कार्यक्रम गरि मनाउने गर्दथे ।
प्रतिक्रिया