चन्द्रागिरी हिल्सले आईपीओ निष्काशन गर्ने, धितोपत्र बोर्डले दियो अनुमति

काठमाडौ । चन्द्रागिरी हिल्सले सर्वसाधारणका लागि आईपीओ निष्काशन गर्ने भएको छ । आईपीओ निष्काशन गर्न नेपाल धितोपत्र बोर्डले चन्द्रागिरी हिल्सलाई कार्तिक २८ गते अनुमति दिएको हो ।

कम्पनीले स्थानिय र सर्वसाधारणको लागि १८ करोड ४० लाख ९१ हजार रुपैयाँ बराबरको १८ लाख ४० हजार ९१० कित्ता शेयर निष्काशन गर्ने भएको छ । यो जारी पूँजीको १२ प्रतिशत हो ।

कम्पनीको शेयर निष्काशन तथा बिक्री प्रबन्धकमा ग्लोवल आइएमई रहेको छ । आइपीओे निष्काशनका लागि अनुमति माग्दै कम्पनी जेठ २५ गते बोर्ड पुगेको थियो ।