भीम अस्पताल भैरहवामा कोरोना संक्रमित एक महिलाको मृत्यु

भैरहवा । रुपन्देहीमा थप एक जना कोरोना संक्रमितको मृत्यु भएको छ ।

भैरहवास्थित भीम अस्पतालमा उपचाररत सियारी गाउँपालिकाकी ६५ वर्षीया एक वृद्धाको मृत्यु भएको स्वास्थ्य कार्यालय रुपन्देहले जनाएको छ ।

स्वास्थ्य परीक्षण गराउँदा कोरोना पोजेटिभ देखिएकी ती महिला गत कात्तिक २३ गतेदेखि अस्पतालमा उपचाररत थिइन ।

उनको उपचारकै क्रममा शनिबार दिउँसो २ बजेर २० मिनेटमा मृत्यु भएको हो ।