काठमाडौं । हाल देशको पश्चिम क्षेत्रका उच्च हिमाली भेगमा पश्चिमी वायुको प्रभाव देखिएको छ । हाल सुदूरपश्चिम र कर्णाली प्रदेशको उच्च पहाडी तथा हिमाली भू-भागहरुको मौसममा आंशिकदेखि सामान्य बदली रहेको छ ।
त्यस्तै अन्य प्रदेशका पहाडी भूभागहरुको मौसममा आंशिक बदली रहेको छ । त्यसैगरी देशका अन्य भू-भागको मौसम सामान्यता सफा रहेको जल तथा मौसम विज्ञान विभागले जनाएको छ।
आज दिउँसो सुदूरपश्चिम र कर्णाली प्रदेशका पहाडी भू-भागको मौसममा आंशिकदेखि सामान्य बदली रहने सम्भावना देखिएको छ । बाँकी प्रदेशका पहाडी भू-भागको मौसममा आंशिक बदली रहनेछ ।
त्यस्तै देशका अन्य भू-भागको मौसम सामान्यता सफा रहनेछ । सुदूर पश्चिम र कर्णाली प्रदेशका हिमाली भू-भागका थोरै स्थानमा हल्का हिमपातको सम्भावना रहेको विभागले जनाएको छ ।
त्यसैगरी आज राती सुदूरपश्चिम, कर्णाली र गण्डकी प्रदेशका पहाडी भू–भागको मौसममा आंशिकदेखि सामान्य बदली हुने सम्भावना रहेको छ ।
बाँकी प्रदेशका पहाडी भू-भागको मौसममा आंशिक बदली रहनेछ । त्यसैगरी देशका अन्य भू-भागको मौसम सामान्यता सफा रहनेछ ।
सुदूरपश्चिम, कर्णाली र गण्डकी प्रदेशका हिमाली भू-भागका थोरै स्थानमा हल्का हिमपातको सम्भावना रहेको जल तथा मौसम विज्ञान विभागले जनाएको छ ।
प्रतिक्रिया