ताप्लेजुङ । प्रधानमन्त्री केपी शर्मा ओली ताप्लेजुङको घुन्सा पुगेका छन् ।
पूर्वी क्षेत्रको भ्रमणमा निस्किएका ओली काठमाडौंबाट नेपाली सेनाको हेलिकप्टरबाट सिधै फक्ताङलुङ गाउँपालिका–६ लेलेपस्थित घुन्सा पुगेका हुन् ।
ओलीले घुन्सा फाउन्डेसनले स्थापना गरेको सामुदायिक स्वास्थ्य इकाईको उद्घाटन गर्ने कार्यक्रम रहेको छ । त्यसअवसरमा प्रधानमन्त्रीपत्नी राधिका शाक्यले घुन्साका बासिन्दालाई न्यानो कपडा वितरण गर्ने कार्यक्रमसमेत रहेको बताइएको छ ।
प्रधानमन्त्री ओलीले स्थानीयलाई सम्बोधन समेत गर्नेछन् । घुन्सामा ओलीको भ्रमण भएपछि नेकपाका जिल्लास्तरीय नेता कार्यकर्ता एवं प्रदेश सांसदहरु र स्थानीय बासिन्दासमेत घुन्सा पुगेका छन् ।
ओलीसँगै संस्कृति पर्यटन तथा नागरिक उड्डयन मन्त्री योगेशकुमार भट्टराई, नेकपा संसदीय दलका उपनेता सुवासचन्द्र नेम्वाङ, र प्रदेश १ का मुख्यमन्त्री शेरधन राई रहेका छन् ।
घुन्सापछि प्रधानमन्त्री ओली नेपाल–चीन सीमा क्षेत्र ओलाङचुङगोला र इलामको जौवारी जाने कार्यक्रम छ ।
प्रतिक्रिया