बैतडी। सुदूरपश्चिमको बैतडी जिल्लामा जिप दुर्घटना हुँदा ५ जनाको मृत्यु भएको छ । दुर्घटनामा ४ जना घाइते भएका छन् ।
नेपाल–भारत सीमा क्षेत्र झुलाघाटबाट गोठलापानी जाँदै गरेको गरेको ना १ ज २१९६ नम्बरको जिप दशरथचन्द नगरपालिका वडा नं. १० बुड्डामा दिउँसो १ बजे दुर्घटना भएको थियो ।
दुर्घटनामा परेका पाँचै जनाको घटनास्थलमै मृत्यु भएको प्रहरीले जनाएको छ । मृत्यु हुनेमा दशरथचन्द नगरपालिकाकी ७५ वर्षीया पार्वती चन्द, पाटन नगरपालिका–५ की पार्वतीदेवी चन्द, पाटन नगरपालिका-५का भगिरथ पाण्डेय, दशरथचन्द नगरपालिका-२ देहिमाडौंका ५८ वर्षीय कृष्ण लावड र सुनर्या गाउँपालिकाकी ७५ वर्षीया कलावती चन्द रहेका छन् ।
जीपमा ११ जना यात्रु रहेका थिए । जसमध्ये २ जना यात्रु भने सकुशल छन् । घाइते तीन जनाको जिल्ला अस्पताल बैतडीमा उपचार भैरहेको छ । जिप चालक गोपाल कार्कीको अवस्था गम्भीर भएपछि थप उपचारका लागि धनगढी पठाइएको छ ।
प्रतिक्रिया