काठमाडौं । त्रिशुली नदीमा जीप खस्दा तीन जना वेपत्ता भएका छन् ।
प्युठानबाट काठमाडौं आउँदै गरेको लु१च ९७३१ नम्बरको जीप बिहीबार बिहान मुग्लिन नजिकै त्रिशुलीमा खसेको हो ।
जीपमा सवार प्युठान झिम्रुक गाउँपालिका वडा नं. ५ खहरे निवासी जमुना रोका र उनकी ११ वर्षीया छोरी र जीप चालक सूर्य केसी नदीमा बेपत्ता भएका छन् ।
जमुनाका श्रीमान मुकुन्दराज रोका भने नदीबाट बाहिर निस्कन सफल भएको इलाका प्रहरी कार्यालय मुग्लिनले जनाएको छ । रोकालाई प्रहरीले उद्धार गरेको थियो । उनलाई उपचारका लागि पठाइएको र बेपत्ताको खोजी भैरहेको प्रहरीले जनाएको छ ।
छोरीको उपचारका लागि रोका दम्पत्ती काठमाडौं आउँदै गर्दा दुर्घटनामा परेको जमुनाका भाइ शरद रोकाले जनाएका छन् । रोक नेकपा मसालको युवा संगठन अखिल नेपाल युवक संघका केन्द्रीय उपाध्यक्ष हुन् ।
प्रतिक्रिया