६ जेष्ठ २०८१, आइतबार | May 19, 2024

नेकपा सचिवालय बैठक बस्दै, प्रचण्ड प्रस्ताव विरुद्ध ओलीको ‘काउन्टर अट्याक’ आउँदै



काठमाडौं । सत्तारुढ नेपाल कम्युनिष्ट पार्टी नेकपाको सचिवालय बैठक आज पुनः बस्दैछ ।

दिउँसो १ बजे प्रधानमन्त्री निवास बालुवाटारमा बस्ने बैठकमा अध्यक्ष केपी शर्मा ओलीले आफ्नो तर्फबाट तयार पारिएको ‘राजनीतिक’ प्रस्ताव पेश गर्नेछन् ।

यही गत कात्तिक २८ गते बसेको सचिवालय बैठकमा अध्यक्ष पुष्पकमल दालल प्रचण्डले ‘सचिवालयका ५ सदस्यहरुको भावना’ समेट्दै आफ्नो तर्फबाट १९ पृष्ठको ‘राजनीतिक प्रस्ताव’ पेश गरेपछि मंसिर ३ गते बसेको बैठकमा ओलीले त्यसको लिखित जवाफ दिने जनाएका थिए । ओलीले प्रस्ताव लेखनका लागि १० दिनको समय माग गरेपछि बैठक आजसम्मका लागि स्थगित भएको थियो ।

प्रचण्डको प्रस्तावलाई ओलीले आरोपपत्र भन्दै अस्वीकार गरेका थिए । आफ्ना सहयोगीहरुले तयार पारेको प्रस्तावलाई शुक्रबार साँझ ओलीले फाइनल गरेका छन् । सोही प्रस्ताव आज ओलीले पेश गर्नेछन् । प्रस्तावमा प्रचण्डले लगाएका राजनीतिक र व्यक्तिगत आरोपको एक एक जवाफ फर्काइएको ओली निकट नेताहरुले बताएका छन् ।

प्रचण्डको सचिवालयले यसअघि ओलीसँग गरेको पत्राचार र प्रस्तावलाई प्रकाशित गरेर तल्लो तहसम्म पुर्याएपछि झन बढी आक्रोशित बनेको ओली पक्षले प्रचण्डहरु पार्टी विभाजनको तयारीमा लागेको निस्कर्ष निकाल्दै त्यसको काउन्टर गर्ने तयारी सुरु गरिसकेको छ । पार्टी सचिवालय बैठकको अडियो रेकर्ड गरेर सार्वजनिक गरिसकेको ओली समुहले आज प्रस्तुत हुने प्रस्तावलाई समेत तत्कालै सार्वजनिक गरी प्रचण्डहरुमाथि थप आक्रमण गर्ने योजना बनाएको छ ।

पार्टी फुटको अन्तिम विन्दुमा पुग्ने अवस्थामा एक नेताले अर्को नेतालाई विभिन्न आरोप लगाउँदै पत्राचारहरु गर्ने प्रवृत्ति नेपालको कम्युनिष्ट आन्दोलनमात्रै नभएर विश्वकै कम्युनिष्टहरुको चरित्र हो ।

अहिले नेकपाभित्र चलेको पत्रयुद्ध र राजनीतिक प्रस्ताव युद्धको अट्याक काउन्टर अट्याकले पार्टी विभाजनको अन्तिम यात्रा सुरुभएको निस्कर्ष निकाल्न सकिन्छ । यद्यपी, ओली र प्रचण्ड नजिक रहेका केही नेताहरुले अझै पनि पार्टी विभाजन रोक्नका लागि पहल र अपील गरिरहेका छन् ।

स्थायी कमिटी सदस्य एवं लुम्बिनी प्रदेशका मुख्यमन्त्री शंकर पोखरेलले शनिबार बिहानै सामाजिक सञ्जाल फेसबुकमा स्टाटस लेख्दै दुवै प्रस्ताव फिर्ता गर्न अपील गरेका छन् । उनले भनेका छन् ‘म फेरी पनि भन्छु पार्टी एकताको रक्षाका लागि दुबै प्रतिवेदनलाई स्थगितगरी एकिकृत प्रतिवेदन बनाउने दिशामा सचिवालयको वैठक अग्रसर होस्।’

 

प्रकाशित मिति : १३ मंसिर २०७७, शनिबार  ८ : ३४ बजे

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए

ट्राफिक प्रहरी जवान घिमिरेको हत्यामा संलग्न ७ जना सार्वजनिक

काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज

ओझेलमा पर्यटकीय रुडुबन्चु पाटन

कालीकोट । कालीकोटको तिलागुफा नगरपालिका-१० मा पर्ने पर्यटकीयस्थल पाटन रुडुबन्चु

इजरायली हवाई आक्रमणमा २० जनाको मृत्यु

गाजापट्टी । मध्य प्यालेस्टिनी क्षेत्रमा रहेको शरणार्थी शिविरको एक घरलाई