१६ चैत्र २०८०, शुक्रबार | March 29, 2024

कानुनको कार्यान्वयन नहुँदा लैंगिक हिंसा अन्त्य हुन सकेन



बुटवल । कानुन कार्यान्वयन नहुँदा लैंगिकताका आधारमा हुने हिंसा अन्त्य हुन नसकेको सरोकारवालाहरुले बताएका छन् ।

जागरण मिडिया सेन्टरले सोमबार लैंगिक हिंसा विरुद्धको १६ दिने अभियानको सन्दर्भमा बुटवलमा गरेको छलफल कार्यक्रममा सहभागीहरुले भएका कानुनको समेत कार्यान्वयन नहुँदा लैंगिक हिंसा अन्त्य हुन नसकेको बताएका हुन ।

कार्यक्रममा लुम्बिनी प्रदेशका सांसद रमा अर्यालले महिलामाथि भु्रणबाटै विभेद र हिंसाको श्रृखला शुरु हुने बताईन । उनले कोरोना महामारीका बेलामा पनि महिलाहरु माथि जगन्य अपराधका घटनाहरु भएको उल्लेख गर्दै कानुन बनाउने थलोमा आफूहरुले सक्दो पहल गर्ने बताईन ।

लुम्बिनी प्रदेशसभाका सामाजिक विकास समितिका सदस्य समेत रहेकी सांसद दीपा विश्वकर्माले लैंगिक हिंसा पिडितलाई मध्यनजर गरेर सेवा केन्द्र पुर्नस्थापना विधेयक संसदमा ल्याएको तर त्यसलाई सरोकारवालाको सुझाव अनुसार संशोधन सहित संसदबाट पारित गर्ने प्रतिबभता जनाईन ।

यस्तै सांसद पुष्पा थरुनीले लैंगिकताका आधारमा हुने हिंसामा संलग्नलाई कारवाहीको दायरामा ल्याउने पहिलो कर्तव्य सरकारको हुने बताईन । उनले आगामि दिनमा प्रदेशले ल्याउने कानुनका सवालमा प्रतिपक्षी दलको सांसदको हिसाबले बिशेष ध्यान दिने बताईन ।

यसैगरि सांसद गीता थापाले लैंगिक हिंसाका कार्यक्रमलाई ग्रामिण बस्ती केन्द्रीत गर्नुपर्ने र यसमा पुरुषहरुले पनि अपनत्व गरेर जवाफदेहि बन्नुपर्ने बताईन ।
सामाजिक विकास मन्त्रालयको सामाजिक विकास महाशाखा प्रमुख शारदा बेल्बासेले प्रदेशमा लैगिक हिंसाको अवस्था र प्रदेश सरकारको योजनाका बारेमा प्रस्तुती राखेकी थिईन ।

उनले प्रदेश सरकारले हिंसा पिडित महिलाहरुको पुर्नस्थापना, सिप विकास, दलित र सिमान्तकृत महिला र बालबालिकाको क्षेत्रमा बजेट छुटाएर काम गरेको बताईन । मानव अधिकार तथा शान्ति समाजका केन्द्रीय उपसभापति गोविन्द खनालले स्वतन्त्र रुपमा न्याय सम्पादन गरेको भनेर विश्वास जगाउन नसकेको बताएका छन् । नागरिक समाजले खबरदारी नगर्ने हो भने न्याय मर्न सक्ने उनले बताए ।

इलाका प्रहरी कार्यालय बुटवलका प्रहरी नायव उपरीक्षक प्रतित सिंह राठौरले हिंसाका मुद्धामा प्रहरीले संवेदनशिल भएर पिडितका पक्षमा काम गरेको बताए ।

छलफलमा इन्सेक प्रतिनिधि रीमा विसि, नेपाल पत्रकार महासंघ रुपन्देहीका अधिकारकर्मी कमला गहतराज, अधिकारकर्मी इन्दिरा आचार्य, मनु खड्का, कमला गहतराज, इन्दु विश्वकर्मा, विमला नेपाली, लगायतले बोल्दै छोरीप्रति समाजले अझै सम्मान गर्न नसकेको तथा राज्यले समेत संरक्षण गर्न नसकेको बताए ।

जागरण मिडिया सेन्टरका विनोद परियारले स्वागत गरेको कार्यक्रमको अम्बिका परियारले सन्चालन गरेकी थिइन । प्रत्येक वर्ष नोबेम्भर २५ देखि डिसेम्बर १० तारिखका दिनसम्म लैंगिक हिंसा विरुद्धको १६ दिने अभियान मनाउने गरिन्छ ।

यो वर्ष नेपालमा लैंगिक हिंसा अन्त्यको प्रतिबद्धता, व्यक्ति, समाज र सबैको ऐक्यवद्धता भन्ने राष्ट्रिय नाराका साथ मनाइएको छ ।

प्रकाशित मिति : १५ मंसिर २०७७, सोमबार  ९ : १८ बजे

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर

एन आई सी एशिया बैंकले मनायो सप्ताहव्यापी ‘ग्लोबल मनी विक २०२४’

काठमाडौ । एन आई सी एशिया बैंकले वित्तीय साक्षरता अभिवृद्धि

मन्त्री फेरिँदैमा सरकारको नीति परिवर्तन हुँदैन : अर्थमन्त्री पुन

काठमाडौं । अर्थमन्त्री वर्षमान पुनले निवर्तमान अर्थमन्त्री डा. प्रकाशशरण महत

बुटवल उपमहानगरमा ज्येष्ठ नागरिक र फरक क्षमता भएका व्यक्तिको घरदैलोमा पुगेर स्वास्थ्य परीक्षण

बुटवल । बुटवल उपमहानगरपालिकामा ज्येष्ठ नागरिक र फरक क्षमता भएका