नेपालगन्ज । बाँकेमा उपचाररत कैलालीका १ जना कोरोना संक्रमित पुरुषको आज बिहान मृत्यु भएको छ ।
धनगढी उपमहानगरपालिका ६ कैलालीका ३५ वर्षीय पुरुषको आज बिहान ४ बजेर १५ मिनेट जादा मृत्यु भएको हो ।
मंसिर १५ गते नेपालगन्ज मेडिकल कलेज तथा शिक्षण अस्पताल कोहलपुरमा भर्ना गरीएको पुरुषको १५ गते नै कोरोना पोजेटिभ रिपोर्ट आएको थियो ।
अस्पतालको कोभिड-१९ आइसोलेसन युनिटमा राखि उपचार गरीएको ति पुरुषको आज बिहान ४:१५ बने मृत्यु भएको बर्दिया सरुवा गरिएका डीसीसीएमसी बाँकेका कोरोना फोकल पर्शन नरेश श्रेष्ठले जानकारी दिए ।
श्रेष्ठका अनुसार रेमडीशिबिर, कक्सिजन सहितको सबै बिधिबाट उपचार चलिरहेकै अवस्थामा ती युवकको मृत्यु भएको हो ।
पछिल्लो मृत्यु सँगै बाँकेमा अन्य जिल्लाबाट उपचारका लागि पुगेर मृत्यु हुनेको संख्या ६२ पुगेको छ ।
प्रतिक्रिया