बुटवल । रुपन्देही प्रहरीले गैडाको खाग सहित ३ जनालाई पक्राउ गरेको भोलिपल्ट रुपन्देहीबाटै कस्तुरीको विणा सहित फरि ३ जनालाई पक्राउ गरेको छ । सोमबार अपरान्ह ४ बजे रुपन्देहीको देवदह-१० भलुहीबाट १ थान कस्तुरीको विणा सहित ३ जनालाई पक्राउ गरेको हो ।
कस्तुरीको प्रतिबन्धित विणाको कारोबार भईरहेको सुचनाका आधारमा देवदह नगरपालिका १० स्थित स्थानीय टेक बहादुर वि.कको घरमा शंकास्पद रुपमा बसेका ३ जनाबाट प्रहरीले सो विणा बरामद गरेको रुपन्देही प्रहरीले जनाएको छ । प्रहरीका अनुसार तत्काल तौल गर्दा ६१.४० ग्राममा रहेको रौं सहितको विणा सहित प्रहरीले ३ जनालाई पक्राउ गरेको छ । पक्राउ पर्नेहरुमा अर्घाखाँची छत्रदेव २ का सुकुरदिन मिया, बागलुङ नगरपालिका ६का रमेश वि.क तथा रुपन्देहीको बुटवल उपमहानगर ११ का दिपक वि.क रहेका छन् ।
फत्राउ परेको ३ जना र बरामद भएको विणा थप अनुसन्धानका लागि जिल्ला बन कार्यालय रुपन्देहीमा बुझाईने जिल्ल प्रहरी कार्यालय रुपन्देहीका प्रवक्ता डीएसपी सत्यनारोयण थापाले जानकारी दिए ।
रुपन्देही प्रहरीले आईतबार मात्र बुटवल उपमहानगर ८ सुख्खानगर स्थित कलश होटलबाट १ थान गैडाको खाग बरामद गरेको थियो । पक्राउ गर्ने क्रममा प्रहरीको पेस्तोल खोािखोस गर्ने क्रममा एकजना खाग तस्कर गम्भीर घाईते समेत भएका थिए ।
प्रतिक्रिया