काठमाडौं । मन्त्रिपरिषद् बैठक अहिले बसिरहेको छ ।
सोमबार नियमित बैठक बस्नुपर्ने भएपनि प्रधानमन्त्री केपी शर्मा ओलीकी बडीआमाको निधन भएपछि हिजो बैठक स्थगित भएको थियो । सोही नियमित बैठक प्रधानमन्त्री निवास बालुवाटारमा आज बिहान बसेको हो ।
बैठकमा सरकारको नियमित एजेण्डामा केन्द्रित रहेको बुझिएको छ । मन्त्रिपरिषद् बैठक सकिए लगत्तै बालुवाटारमै सर्वदलीय बैठक समेत बस्दैछ ।
सर्वदलीय बैठकमा संसद्मा प्रतिनिधित्व गर्ने प्रमुख राजनीतिक दलका नेताहरूलाई आमन्त्रण गरिएको छ ।
समसामयिक विषयमा छलफल गर्न प्रधानमन्त्रीको आह्वानमा बैठक बोलाइएको हो ।
यसअघि, नेपाल र भारतबीच कालापानी, लिपुलेक र लिम्पियाधुरामा सीमा विवादका विषयमा छलफल गर्न वैशाख ३१ मा पनि प्रधानमन्त्रीले सर्वदलीय बैठक बोलाएका थिए ।
प्रतिक्रिया