काठमाडौं । प्रमुख विपक्षी दल नेपाली काँग्रेसले संसद अधिवेशन तत्काल बोलाउन माग गरेको छ ।
काँग्रेस संसदीय दल कार्यसमितिको शुक्रबार बसेको बैठकले संवैधानिक परिषद्सम्बन्धी अध्यादेश फिर्ता लिन र तत्काल संसद अधिवेशन बोलाउन माग गरेको हो ।
बैठकले सरकार सर्वसत्तावादतर्फ उन्मुख भएको निस्कर्ष निकालेको छ । बैठकपछि संचाकर्मीसँग कुरा गर्दै काँग्रेस संसदीय दलका प्रमुख सचेतक बालकृष्ण खाँडले भने ‘आफ्नो असफलतालाई ढाकछोप गर्न निरंकुश बन्ने र सर्वसत्तावादी सोचलाई अगाडि बढाउन नै यो अध्यादेश ल्याएको हो ।’ सर्वसत्तावादी शैलीले संविधानमाथि खेलबाड नगर्न काँग्रेसले सरकारलाई सचेत गराएको छ ।
बैठकले संविधानको मर्म र भावना विपरितको अध्यादेश तत्काल फिर्ता लिन माग गरेको छ।
बैठकले सरकार कोरोना भाइरसको महामारी व्यवस्थापन गर्न पूर्ण रुपमा असफल भएको निस्कर्ष पनि निकालेको छ ।
प्रतिक्रिया