काठमाडौं । बिहान संसद विघटनको निर्णय गरेका प्रधानमन्त्री केपी शर्मा ओलीले अख्तियार दुरुपयोग अनुसन्धान आयोगको प्रमुख आयुक्तमा पूर्व गृहसचिव प्रेमकुमार राईको नाम सिफारिस गरेका छन् ।
संंवैधानिक परिषदको मंसिर ३० मा बसेको बैठकले अख्तियार प्रमुखमा आयुक्त राईलाई सिफारिस गर्न गरेको निर्णयलाई ओलीले संसद विघटन गरेपछि कार्यान्वयनमा ल्याउने गरी अहिलेसम्म गोप्य नै राखेका छन् ।
ओलीले प्रेम राईलाई अख्तियार प्रमुख बनाउनकै लागि आफ्नो प्रधानमन्त्री पदसमेत दाउमा राखेको स्पष्ट भएको छ । राईमार्फत आफु निकटहरुसँग जोडिएको भ्रष्टाचारको मुद्दालाई समाप्त गर्न र आफ्ना राजनीतिक विरोधी प्रचण्डमाथि अख्तियारको दराजमा थन्किएको लडाकुको रकमबारेको मुद्दालाई अघि बढाउने योजना अनुसार नै ओली अघि बढेको विश्लेषण गरिएको छ ।
ओलीले अध्यादेशमार्फत संवैधानिक परिषदको काम कर्तव्य अधिकारमा आफुखुशी निर्णय गर्ने बाटो खोलेपछि बसेको संवैधानिक परिषद बैठकले राईलाई अख्तियार प्रमुख बनाउन सिफारिस गरेको थियो ।
अब, राईमाथि संसदमा संसदीय समितिमा सुनुवाई समेत नहुने भएको छ ।
संसद विघटन गरेर आफ्ना विरोधीका बाटा बन्द गराएका ओलीले सर्वोच्च अदालतमा मुद्दा परेर त्यहाँबाट संसद पुनस्र्थापित नै भएपनि त्यसबेलासम्म अन्य कैयौं निर्णयहरु गर्ने स्पष्ट भएको छ ।
प्रतिक्रिया