काठमाडौं । प्रधानमन्त्री केपी ओली नेतृत्वको संवैधानिक परिषदले विभिन्न आयोगमा गरेका सिफारिस मध्ये दुईजनाले पद अस्विकार गरेका छन ।
राष्ट्रिय दलित आयोगको सदस्यमा सिफारिस भएका पर्शुराम रम्तेल र समावेशी आयोगको सदस्यमा सिफारिस भएका रामकृष्ण तिमल्सिनाले पद अस्वीकार गरेका हुन ।
राष्ट्रिय दलित आयोगको सदस्यमा सिफारिस भएका रम्तेलले एक सूचना निकाल्दै आफू सिफारिस भएको पक्रिया गैरसंवैधानिक र सहमतिविपरीत भएको उल्लेख गर्दै पद अस्विकार गरेका हुन् ।
उनले संसद विघटनको ठाडो विरोध गर्ने र असंवैधानिक सिफारिसको आधारमा आफ्नो नाम परेको प्रति भ्रममा नपर्न आग्रह समेत गरेका छन् । त्यसैगरी समावेशी आयोगको सदस्यमा सिफारिस भएका रामकृष्ण तिमल्सिनाले पनि पद अस्वीकार गरेका छन् ।
संवैधानिक परिषद्ले आयोगको सदस्यमा सिफारिस गरे पनि आइतबार तिमल्सिनाले आफ्नो फेसबुकमार्फत् पद अस्वीकारको घोषणा गरेका हुन् ।
प्रतिक्रिया