काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल पक्षका सबै केन्द्रीय सदस्य निर्वाचन आयोग र सबै ‘सांसद’ सर्वोच्च अदालत जाने भएका छन् ।
बिहीबार काठमाडौमा सम्पन्न नेकपा प्रचण्ड–नेपाल पक्षको केन्द्रीय कमिटी बैठकको निर्णय अनुसार आज बिहान १० बजे सबै केन्द्रीय सदस्य निर्वाचन आयोग र मध्याह्न १२ बजे सबै सांसद सर्वोच्च अदालत जान थालेका हुन् ।
नेकपाका बहुमत केन्द्रीय सदस्य र बहुमत सांसद एक ठाँउमा भएको प्रमाण पेश गर्न सर्वोच्च अदालत र निर्वाचन आयोगमा सबै जना जाने निर्णय भएको प्रचण्ड–नेपाल पक्षका एक स्थायी कमिटी सदस्यले बताए ।
निर्वाचन आयोगको दलको आधिकारीकता सम्बन्धी कार्यबिधिमा पनि रानीतिक दललले दाबी गरेको नामलाई प्रत्यक ब्यक्तिले सनाखत गरिदिनु पर्ने व्यवस्था रहेको छ ।
आफहूसँग रहेको बहुमत र हस्ताक्षरबारे पनि कुनै शंका नहोस् भनी त्यसो गर्न लागिएको ती नेताले बताए।
बिहिबार बसेको सो पक्षको बैठकले आधिकारिक पार्टी आफू भएको दाबी गर्न आयोग र संसद् जीवित छ भनेर देखाउन सर्वोच्च अदालत जाने तथा पुस १४ गते देशव्यापी प्रदर्शन गर्ने निर्णय गरेको थियो ।
प्रतिक्रिया