सैनामैनामा न्यू क्रिकेट एकेडेमी संचालन

सैनामैना । सैनामैनामा न्यू क्रिकेट एकेडेमी संचालनमा आएको छ । सैनामैना २ मा रहेको न्यू एकेडेमी बोडिङ्ग स्कुलको समायोजनमा उक्त क्रिकेट एकेडेमी संचालनमा आएको हो ।

नेपालका चर्चित तथा राष्टिय खेलाडी शक्ति गौचनको बोलिङ्ग र न्यू एकेडेमी बोडिङ्ग स्कुल अध्यक्ष मिन प्रसाद पौडेलले बेटिङ्ग गरेर एकेडेमीको उद्घादन गरिएको हो ।

क्रिकेटको नेपालमा राम्रो सम्भावना रहेको राष्ट्रिय खेलाडी शक्ति गौचनले बताएका थिए । समयको माग अनुसार बिधालय स्तरबाटै क्रिकेट एकेडेमी संचालनमा आउनु सकारत्मक रहेको बताउदै गौचनले यस एकेडमीबाट राष्ट्रियस्तरको खेलाडी उत्पाद गर्न अहम भुमिका रहने बिश्वास ब्यक्त गरे ।

हरेक विद्यार्थीको अलग अलग क्षमता हुने भएकोले बिधार्थी क्षमताको पहिचान गरी सोहि क्षेत्रमा अगाडी बढाउने उदेश्यले यो एकेडेमी संचालनमा ल्याईएको विद्यालयका अध्यक्ष मिन प्रसाद पौडेलले बताए ।

विद्यालयलाई एक उत्कृत, नमुना र गुणस्तरीय विद्यालय बनाउने तर्फ सधै योजना बनाउदै आएको र खेल क्षेत्रमा पनि बिधार्थीलाई प्रहोत्सान गर्ने गरी एकेडेमी संचालन गरीएको अध्यक्ष पौडेलले बताए ।

विद्यालय र विद्यालय बाहिर रहेका सबैलाई लक्षित गरी यो एकेडमी संचालनमा ल्याईएको विद्यालयका प्रधानाध्यापक टोपलाल भट्टाराईले बताए । एकेडमीमा छात्र छात्रा सबैलाई प्रशिक्षण गर्ने ब्यवस्था मिलाईएको बताउदै एकेडेमीमा बिभिन्न प्याकेजहरु रहेको भट्टराईले बताएका थिए ।
कार्यक्रममा पत्रकार कृष्ण भण्डारी, विद्यालयका नमराज भुषाल, नबिन प्रभु लगायतले बोलेका थिए ।