बुटवल । काठमाडौंमा जारी छैटौ नेपाल जुनियर खुल्ला टेनिस प्रतियोगिता २०२० मा रुपन्देहीका ३ जना खेलाडीहरुले पदक हात पारेका छन ।
काठमाडौं सातदोबाटोस्थित लनटेनिस कोर्टमा भएको प्रतियोगितामा १० वर्ष उमेर समुहमा रुपन्देहीका वृजेश अर्यालले स्वर्ण पदक, निश्चल ज्ञवालीले आठ वर्षमुनि र संघर्ष फौदारले ९ वर्षमुनिको उमेर समुहमा कास्य पदक जितेका छन ।
एक समारोहका बिच नेपाल लनटेनिस संघका केन्द्रीय अध्यक्ष ज्योति राणा, जेटिआई नेपालका संयोजक कृष्णराज घलेले विजेता, उपविजेता खेलाडीहरुलाई मेडल, प्रमाणपत्रबाट पुरस्कृत गरेका थिए ।
प्रतियोगिता ८ देखि १४ उमेर समुहमा गरि ७ ईभेन्टमा खेल खेलाईएको संयोजक गौरिशंकर श्रेष्ठले बताए ।
पुस १२ गतेदेखि ४ दिनसम्म संचालन भएको खेलमा काठमाण्डौ, पोखरा र रुपन्देहीका एक सय खेलाडीहरु भाग लिएका थिए ।
प्रतिक्रिया