बुटवल । रुपन्देहीको बुटवलमा क्रियाशिल पत्रकार कृष्ण खनालले आफुले प्राप्त गरेको पुरस्कार बापतको रकम बुटवल स्थित मानव सेवा आश्रमलाई प्रदान गरेका छन् । पत्रकार खनालले रुपन्देही उद्योग संघले प्रदान गरेको ‘उत्कृष्ठ आर्थिक पत्रकारिता पुरस्कार’ बाट प्राप्त गरेको ३५ हजार ५ सय ५५ रुपैयाँ मध्ये १० हजार ५ सय रकम मानव सेवा आश्रम बुटवललाई प्रदान गरेका हुन् ।
मंगलबार आश्रममा आयोजित एक कार्यक्रममा पत्रकार खनालले आश्रममा अभिभाव लोकराज भुषाल, नन्दीकिशोर ढकाल, कृष्ण पंगेनी सहित मानव सेवा आश्रम रुपन्देही प्रमुख सरु अधिकारीलाई उक्त रकम बराबरको चेक हस्तान्तरण गरे ।
अर्घाखाँची जिल्लाको भुमिकास्थान नगरपालिका १ ढाकावाङ्ग जन्मस्थान भई हाल रुपन्देहीको सैनामैना निवासी खनाल विगत १० बर्ष देखि रुपन्देहीमा पत्रकारिता गरिरहेका छन् ।
सबै विटमा समाचार संप्रषण गरिरहेका खनाल कृषि विटमा विशेष दखल राख्छन् । उनी कृषि पत्रकार समाज लुम्बिनीका संयोजक समेत हुन् ।
कार्यक्रममा बोल्दै पत्रकार खनालले पुरस्कार अन्य रकम अन्य आश्रमहरुलाई समेत प्रदान गरिने प्रतिवद्धता जाहेर गरे ।
प्रतिक्रिया