काठमाडौं । हाल देशभरको मौसममा कुनै उल्लेखनीय मौसमी प्रणालीको प्रभाव रहेको छैन । हाल देशका केही भू-भागको मौसममा आंशिक बदली रहेको छ ।
आज विहान काठमाडौंको बायुको तापक्रम ४ डिग्री सेल्सियस रहेको छ । त्यस्तै आजको अधिकतम तापक्रम २१ डिग्री सेल्सियससम्म पुग्ने जल तथा मौसम विज्ञान विभागले जनाएको छ ।
आज दिउँसो प्रदेश १ र प्रदेश २ को मौसममा आंशिकदेखि सामान्य बदली हुने सम्भावना देखिएको छ । देशका बाँकी भू-भागहरुको मौसम सामान्यतया सफा रहने विभागले जनाएको छ ।
त्यसैगरी आज राति प्रदेश १ को मौसममा आंशिक बदली रहने सम्भावना छ । त्यस्तै देशका अन्य भू-भागहरुको मौसम सामान्यतया सफा रहने जल तथा मौसम विज्ञान विभागले जनाएको छ ।
प्रतिक्रिया