जनताको इच्छा पाँच वर्ष सरकार टिकोस् भन्ने थियाे तर पूरा हुन सकेन : प्रधानमन्त्री ओली

काठमाडौं । काम चलाउ सरकारका प्रधानमन्त्री केपी शर्मा ओलीले सरकारलाई काम नै गर्न नदिइएको बताएका छन् ।

आइतबार राष्ट्रियसभाको अधिवेशन अन्त्यको सिफारिस गरेर बैठकलाई सम्बोधन गर्न पुगेका प्रधानमन्त्री ओलीले यस्तो बताएका हुन् ।

‘सरकारलाई काम नै गर्न दिइएन, प्रतिनिधिसभाले संविधान, संघीय लोकतान्त्रिक गणतन्त्रको रक्षा र विकास गर्नुपर्ने थियो । नेपाली जनताले दिएको अभिभारा पूरा गर्नुपर्ने थियो ।

तर, त्यो हुन सकेन ।’, उनले भने, ‘जनताको इच्छा थियो पाँच वर्ष सरकार टिकोस्, पाँच वर्ष सरकार टिकोस् भन्ने हो, सरकार परिवर्तन होस् भन्ने होइन जनताको इच्छा ।’

सरकारलाई काम गर्न नदिएका कारण नै प्रतिनिधि सभा विघटन गर्नुपरेको ओलीले बताए ।