काठमाडौं । प्रतिनिधि सभा विघटनविरूद्ध परेका मुद्दामाथि सर्वोच्च अदालतको संवैधानिक इजलासमा मंगलबार पनि बहस जारी छ ।
रिट निवेदकहरुको तर्फबाट बहसमा भाग लिँदै अधिवक्ता शिवकुमार यादवले राष्ट्रपतिको भूमिकामाथि प्रश्न उठाएका छन् ।
अधिवक्ता यादवले राष्ट्रपतिद्वारा कुनै सिफारिसलाई महिनौं रोक्ने तर गैरसंवैधानिक सिफारिसलाई तत्कालै सदर गर्दै प्रतिनिधिसभा विघटन गर्ने काम भएकोमा प्रश्न गरे ।
अहिले निर्वाचन गर्नै नसक्ने अवस्था रहेको भन्दै यादवले अर्थतन्त्र धरासायी भएको बेलामा थप संकटमा पुर्याउने काम मात्रै गरिएको जिकिर गरे ।
यसअघि सोमबार अधिवक्ताद्वय दीनमणि पोखरेल र सरोजकृष्ण घिमिरेले बहस गरेका थिए।
प्रधानन्यायाधीस नेतृत्वको पाँच सदस्यीय संवैधानिक इजलासमा बहस जारी छ ।
प्रतिक्रिया