महान्यायाधिवक्ता कार्यालयसँग इजलासले माग्यो प्रतिनिधिसभा विघटनसम्बन्धी राजपत्रमा प्रकाशित सूचना

काठमाडौं । राष्ट्रपतिले गरेको संसद विघटनसम्बन्धी विषय नेपाल राजपत्रमा प्रकाशित नभएको भन्दै वकिलहरुले प्रश्न उठाएपछि संवैधानिक इजलासले महान्यायाधीवक्ता कार्यालयसँग राजपत्र प्रकाशित भएको सूचना माग गरेको छ ।

इजलाससले राजपत्रमा संसद विघटनको सूचना प्रकाशित भए नभएको निश्चित गर्न सूचना झिकाउने भएको हो ।

बिहीबार रिट निवेदकको तर्फबाट बहस गर्ने वरिष्ठ अधिवक्ता टीकाराम भट्टराई र अधिवक्ता ओमप्रकाश अर्यालले विघटनको सूचना राजपत्रमा प्रकाशित नभएको भन्दै त्यो असंवैधानिक भएको जिकिर गरेका थिए ।

प्रधानन्यायाधीस चोलेन्द्र शमशेर जबराले नायब नायब महान्यायाधीवक्ता पदम पाण्डेसँग राजपत्रको सूचना उपलब्ध गराउन भनेका छन् ।

अधिवक्ता ओमप्रकाश अर्यालले बहसका क्रममा प्रतिनिधिसभा विघटनको निर्णय राष्ट्रपति कार्यालयको वेबसाइटमा मात्रै रहेको तर राजपत्रमा प्रकाशित नगरिएको बताएका थिए ।