२१ फाल्गुन २०८०, सोमबार | March 4, 2024

अदालत र न्यायाधीसले संविधान संशोधन गर्न सक्दैन, संविधान संशोधन संसदलेमात्रै गर्नसक्छ : युवराज ज्ञवाली



बुटवल । नेपाल कम्युनिष्ट पार्टी (नेकपा)को प्रचण्ड-नेपाल पक्षका स्थायी कमिटी सदस्य तथा लुम्बिनी प्रदेशका ईन्चार्ज युवराज ज्ञवालीले अदालतलाई संविधान संशोधनको अधिकार नभएको बताएका छन् ।

प्रचण्ड-नेपाल पक्षले आज बुटवलमा आयोजना गरेको पत्रकार सम्मेलनमा बोल्दै नेता ज्ञवालीले अदालत र न्यायाधीसको काम संविधानको व्याख्या गर्ने मात्र भएको संविधान संशोधन गर्ने नभएको बताए ।

लुम्बिनी प्रदेशका मुख्यमन्त्री शंकर पोखरेललाई पार्टी इन्चार्जबाट हटाएर हालैमात्र प्रदेश ईन्चार्ज बनाइएका ज्ञवालीले प्रधानमन्त्री केपीओली कम्युनिष्ट आन्दोलनको केशरजंग रायमाझी बनेको आरोप लगाए । ओलीले कम्युनिष्ट आन्दोलन सहित मुलुकको लोकतन्त्र नै विसर्जन गर्न खोजेको आरोप पनि नेता ज्ञवालीले लगाए । ‘केशरजंगले राजाबाट ‘कुु’ गराएर लोकतन्त्र राजालाई सुम्पेका थिए, केपीले आफै संविधानमाथि ‘कुु’ गरेर आफै राजा बन्न खोज्दैछन्’, ज्ञवालीले भने, ‘अबको राजनीतिमा ‘नो केपी ओली’ ।’

ज्ञवालीले केपी ओलीको नेतृत्वमा अब कहिल्यै पनि कम्युनिष्ट पार्टी बन्न नसक्ने उल्लेख गर्दै केपी ओलीले कम्युनिष्ट पार्टीकै खोल ओढेर कम्युनिष्ट पार्टीलाई खत्तम पार्न थालेको आरोप लगाए । रायमाझीको कदम भन्दा केपीको कदम अझै खतरानाक भएको उनको भनाइ छ । ‘रायमाझी भन्दा ठूला प्रतिगमनकारी केपी ओली नै हुन्’, उनले भने ।

केपी ओलीले नेतृत्व गरेको कम्युनिष्टको खोल गरेको पार्टी केहिदिनका लागि मात्र भएको दाबी गर्दै उनले छिट्टै ओली नेतृत्वमा रहेका नेताहरु आफ्नो पार्टीमा आउने बताए ।

ज्ञवालीले राष्ट्रलाई कमजोर बनाएर केपीले राष्ट्रघाती काम गरेको बताउंदै राष्ट्रवादको नारा लगाउँदैमा कोही राष्ट्रवादी नभइने स्पष्ट पारे । ‘केपी ओली राष्ट्रघाती हुन्, जनघाती हुन्, कम्युनिष्ट विरोधी हुन् र उनी गणतन्त्र विरोधी हुन्, यो भन्दा ठूलो प्रमाण अरु केहि छैन’ ज्ञवालीले भने । ओलीले कम्युनिष्ट पार्टी खत्तम बनाउन खोजेपनि आफुहरुले बचाएको ज्ञवालीले दाबी गरे ।

ज्ञवालीले ओलीको गलत प्रवृति विरुद्ध लामो लडाई पार्टीमा गर्दै आएको बताउँदै एककीकरण पछि केपीमा अझै उन्माद बढेकाले दुर्घटना भएको बताए । ‘केपीलाई गैर कम्युनिष्ट हो भनेर पहिल्यै चिनेको हो, महाधिवेशनले चुनेपछि लोकतन्त्रलाई मानेर अध्यक्ष स्वीकार गरेको हो’, उनले भने, ‘प्रधानमन्त्री बन्नको लागि बहुदलिय जनबाद छाड्ने पहिलो ब्यक्ति केपी ओली हुन् ।’

उनले अबको नेकपाको यात्रा समाजवाद भएको बताउँदै जनवादी क्रान्तिको आधारभुत यात्रा पुरा भएकाले अवको यात्रा वैज्ञानिक समाजबाद भएको बताए ।

पत्रकार सम्मेलनमा नेकपाका युवा नेता ठाकुर गैरेले आफ्नै पार्टीको अध्यक्ष र प्रधानमन्त्रीले गरेको अलोकतान्त्रिक र प्रतिगामी कदम सच्याउन आफूहरु लाग्न बाध्य बनेको बताए । गैरेले नेकपाका कार्यकर्ता कसैका दास बन्न नचाहेको बताउँदै कार्यकर्ताहरुसँग धेरै प्रश्न छन् ती प्रश्नको उत्तर नआउँदा सम्म आन्दोलन जारी रहने बताए ।

प्रकाशित मिति : १० माघ २०७७, शनिबार  १२ : ३० बजे

चार दलबीच आठ बुँदे सहमति, राष्ट्रियसभाको अध्यक्ष माओवादी र उपाध्यक्ष एमालेलाई

काठमाडौं । नवगठित सत्ता गठबन्धनबीच ८ बुँदे सहमति भएको छ

ग्लोबल आइएमईका दुईवटा नयाँ शाखा रहित बैंकिङ्ग सेवा सञ्चालनमा

काठमाडौ । ग्लोबल आइएमई बैंक लिमिटेडले थप २ स्थानबाट शाखा

कोटेश्वर पुगेर माधव नेपालको स्वास्थ्यलाभको कामना गरे प्रधानमन्त्री प्रचण्डले

काठमाडौं। नेकपा एकीकृत समाजवादीका अध्यक्ष माधवकुमार नेपाललाई भेट्न प्रधानमन्त्री पुष्पकमल

नेपालले भूटानलाई हरायो

काठमाडौं । साफ यू-१६ महिला च्याम्पियनशिप फुटबल प्रतियोगितामा नेपालले भूटानलाई

कांग्रेसका मन्त्री धनराज गुरुङ्गले छाडे सरकारी निवास

काठमाडौं । प्रधानमन्त्री पुष्पकम दाहाल प्रचण्डले गठबन्धन छाडेर नेकपा एमालेसँग