गणतन्त्र दिवसको दिन इन्डियागेट विजय चोकमा भारतीय एलिटहरुको उपस्थितिमा गणतन्त्र दिवसको भव्य परेड भैरहेकै समयमा परेडको केही किलोमिटर दिल्लीगेट नजिकै अर्धसैनिक बल र दिल्ली पुलिससँग भारतीय किसानले भिडन्त गरेका छन् ।
इन्डिया गेटआसपास भारतीय भव्यता देखाइरहेको बेला केही किलोमिटर टाढा प्रगतिमैदान, आइटीओ, दरियागन्ज, लालकिल्ला आसापास ट्याक्टर चढेका हजारौं किसानले सुरक्षाकर्मीसँग भिडन्त गरेका छन् ।
भारत सरकारले किसान विराधी कानून ल्याएको विरोधमा पाँच महिनादेखि राजधानी दिल्लीको बोर्डरमा धर्नामा बसेका किसानले आज गणतन्त्र दिवसको अवसरमा हजारौं किसान राजधानीको मध्य भागमा प्रवेश गरेका हुन् ।
किसानहरुको सरकार विरोधी ट्याक्टर याली यतिबेला भिडन्तमा परिणत भएको छ । पन्जाब, हरियाणा, उत्तर प्रदेश, कर्नाटक, महाराष्ट्र र पश्चिम बंगाल लगायतका राज्यमा ती कानुनको चर्को विरोध हुँदै आएको छ ।
प्रहरीको अवरोध तोडेर किसानहरु बढेका छन् । दिल्लीका विभिन्न बोर्डरबाट मध्य भागमा छिरेका किसानहरु प्रहरीले दिएको रुटलाई अस्वीकार गर्दै दिल्लीको मुख्यभागमा प्रवेश गरेका हुन् ।
प्रहरीले किसानहरुलाई रोक्नका लागि लाठीचार्ज र दर्जनौं सेल अश्रुग्याँस प्रहार गरेको छ । गाजिपुर बोर्डरबाट अघि बढेका किसानलाई आइटीओबाट अघि बढ्न रोक्न प्रहरीले बल प्रयोग गरेको छ ।
प्रतिक्रिया