बुटवल । ‘कोरोना महामारीमा हाम्रो संमयता, समयमा नै कुष्ठरोग व्यवस्थापनमा सक्रियता’ भन्ने मुल नाराका साथ बुटवल उपमहानगरपालिका स्वाथ्य महाशाखाको आयोजनामा ६८ औ विश्व कुष्ठरोग दिवसको अवसरमा अन्तरक्रिया तथा सचेतनामुलक कार्यक्रम गरी मनाईएको छ ।
नगर भित्र रहेका कुष्ठ प्रभावित व्याक्तिहरु, नगरभित्र रहेका स्वाथ्यचौकी, उप स्वाथ्य चौकी, नगर स्वाथ्य केन्द्र लगायत जनप्रतिनिधि र सरोकारवालाहरुको सभागीतामा दिवस मनाईएको हो ।
कार्यक्रममा बोल्दै बुटवल उपमहानगरपालिकाका उप प्रमुख गुमादेवी आचार्यले कुष्ठरोग निवारण अभियानमा बुटवल उपमहानरपालिकाले उल्लेखनिय भुमिका निर्वाह गर्ने बताईन ।
उनले रोगको विषयमा सचेतना आवश्यक रहेको भन्दै यसको लागि उपनगरपालिकाले स्थानिय स्तरमा समेत सचेतनामुलक कार्यक्रम जारी राखेको बताईन ।
कार्यक्रममा बुटवल उपमहानरपालिका जनस्वाथ्य शाखा प्रमुख उमा थापाले नेपालमा कुष्ठरोगको अवस्था, बच्ने उपाय, लक्षण लगायतका विषयमा कार्यपत्र प्रस्तुत गरेकी थिईन ।
कार्यक्रममा उपमहानगरपालिकाका प्रमुख कार्यकारी अधिकृत चक्रपाणी शर्मा, शिक्षा तथा स्वाथ्य महाशाखा प्रमुख तथा सूचना अधिकारी मित्र मणि खनाल, नगरपालिका स्वाथ्य शाखा कल्पना पोखरेल लगायतले आ-आफ्नो भनाई राखेका थिए ।
प्रतिक्रिया