काठमाडौं । राष्ट्रिय परीक्षा बोर्डले कक्षा १२ को नतिजा सार्वजनिक गरेको छ ।
सोमबार बिहान सम्पन्न बोर्ड बैठकको निर्णयअनुसार नतिजा सार्वजनिक गरिएको हो ।
नतिजा राष्ट्रिय परीक्षा बोर्ड र नेपाल टेलिकमको वेबसाइटबाट हेर्न सकिने बोर्डले जनाएको छ।
कोरोना भाइरसको महामारीका कारण गत बैशाखमा हुनुपर्ने १२ कक्षाको परीक्षा नयाँ कार्यविधि बनाएर मंसिर ९ देखि १६ गतेसम्म लिइएको थियो ।
यसवर्ष ४० प्रतिशत अंकको मात्र परीक्षा लिइएको थियो । बाँकी ४० प्रतिशत कक्षा ११ को नतिजा र २० प्रतिशत सम्बन्धित विद्यालयले दिने आन्तरिक मूल्यांकनबाट जोडेर १०० प्रतिशतको नतिजा प्रकाशित गरिएको हो । परीक्षामा देशभरबाट ४ लाख ३२ हजार विद्यार्थी सहभागी भएका थिए ।
प्रतिक्रिया