काठमाडौं । प्रचण्ड-नेपाल पक्षको नेकपाका विद्यार्थीहरुले बुधबार बिहान सबै क्याम्पस अगाडि चक्काजाम गरेका छन् ।
पार्टीको तेस्रो चरणको आन्दोलनलाई सहयोग पुग्नेगरी आन्दोलनका कार्यक्रम घोषणा गरेको अनेरास्ववियूका विद्यार्थीहरुले आज चक्काजाम कार्यक्रम आयोजना गरेका हुन् ।
अनेरास्ववियूले माघ २१ गते हरेक क्याम्पस अगाडि चक्काजाम गर्ने कार्यक्रम सार्वजनिक गरेको थियो ।
कार्यक्रमअन्तर्गत विद्यार्थीहरुले नयाँ वानेश्वरमा मिन भवन क्याम्पस अगाडि संसद भवनको ठिक सामुन्ने केहीबेर चक्काजाम गरेका छन् । यसैगरी सानोठिमी क्याम्पस, आराआर क्याम्पस, ल क्याम्पस लगायत सबै क्याम्पस अगाडि चक्काजाम कार्यक्रम गरिएको अखिलले जनाएको छ ।
प्रचण्ड नेपाल नेकपाले माघ २८ गते काठमाडौंमै अहिलेसम्मकै विशाल सभा गर्ने दाबी गर्दै त्यसको तयारी गरिरहेको छ ।
प्रतिक्रिया