काठमाडौं । सरकारले असंवैधानिक तरिकाले संवैधानिक आयोगमा नियुक्ति गरेको विरोधमा प्रचण्ड नेपाल नेतृत्वको नेपाल कम्युनिष्ट पार्टी नेकपाले देशव्यापी आमहड्तालको आह्वान गरेको छ ।
प्रतिनिधिसभा विघटन विरुद्ध अहिलेसम्म सडकसंघर्ष रहेको प्रचण्ड नेपाल पक्षले आम हड्ताल नै गर्न लागेको पहिलो पटक हो ।
आम जनतालाई सबैभन्दा बढी प्रभावित बनाउने हड्ताल जस्तो अप्रिय निर्णय लिन लागेको बारे पार्टीले दिउँसो २ बजे पत्रकार सम्मेलन गरेर जानकारी गराउने भएको छ । आम हड्ताल ओली नेकपाले काठमाडौंमै गर्न लागेको शक्ति प्रदर्शनको ठिक एक अघि अघि गर्न लागिएको छ ।
सरकारले विभिन्न संवैधानिक आयोगहरुमा रिक्त रहेको पदमा जवरजस्ती नियुक्ति गरेपछि त्यसको सबैतिरबाट विरोध भएको छ । संसदीय सुनुवाई विना भएको नियुक्तिको विरोध गर्दै सभामुख अग्नि सापकोटा र उपराष्ट्रपति नन्दबहादुर पुनले सपथ ग्रहण समारोह बहिस्कार गरेका थिए
प्रतिनिधिसभा विघटन विरुद्ध प्रचण्ड नेपाल नेकपा पुष ५ गतेदेखि नै सडक आन्दोलनमा छ । माघ ९ गते काठमाडौंमा वृहत प्रदर्शन गरेको नेकपाले यही माघ २८ गते काठमाडौंमै अहिलेसम्मकै ठूलो प्रदर्शन गर्ने तयारी गरिरहेको छ ।
प्रतिक्रिया