११ मंसिर २०७९, आइतबार | November 27, 2022

आर्थिक वर्षको दोस्रो त्रैमासमा टेलिकमको आम्दानी घट्यो



काठमाडौं । नेपाल टेलिकमले चालु आर्थिक वर्षको दोस्रो त्रैमाससम्म ३ अर्ब २८ करोड ९३ लाख रुपैयाँ खुद नाफा गरेको छ।

टेलिकमले शुक्रबार आफ्नो वित्तीय विवरण सार्वजनिक गरेको हो । दोस्रो त्रैमासको आम्दानी गत आर्थिक वर्षको यसै अवधिको तुलनामा १ अर्ब ६९ करोड रुपैयाँ अर्थात ३३ दशमलव ४० प्रतिशत कम हो।

गत आर्थिक वर्षको सोही अवधिसम्ममा टेलिकमले ४ अर्ब ९३ करोड रुपैयाँ खुद नाफा कमाएको थियो।

टेलिकमको बिक्री आम्दानी घटेसँगै खर्च बढेपछि खुद नाफा घटेको हो । कोराना महामारीको प्रत्यक्ष असरका कारण विश्वव्यापी रुपमा व्यापार व्यवसायमा आएको कमीका कारण आफ्नो आम्दानीमा समेत प्रभाव परेको टेलिकमले जनाएको छ ।

कम्पनीले समीक्षा अवधिमा सेवा बिक्रीबाट १७ अर्ब ७२ करोड आम्दानी गरेको छ । यस्तै, अन्य शिर्षकमा २ अर्ब ८५ करोड आर्जन गरेको छ । सेवा बिक्रीको आम्दानी नै ३१ करोडले घटेको छ । कम्पनीको सेवा बिक्री बापतको आम्दानी तथा अन्य आम्दानी दुवै घटेको छ ।

टेलिकमले ग्राहकलाई इन्टरनेट, मोबाइल र ल्यान्डलाइन सेवा प्रदान गर्छ । यस्तै सञ्चालन तथा मर्मत, ह्रासकट्टी जस्ता खर्चहरु बढेको छ । कम्पनीको कुल आम्दानी २१ अर्ब ९२ करोडबाट २० अर्ब ५७ करोडमा झरेको छ । गत आवको यसै अवधिको भन्दा ६ दशमलव १६ प्रतिशतले घटेको हो।

१५ अर्ब चुक्ता पूँजी रहेको टेलिकमको जगेडा कोषमा ८० अर्ब ३७ करोड रुपैयाँ सञ्चित छ।

प्रकाशित मिति : ३० माघ २०७७, शुक्रबार  १२ : ०५ बजे

इन्जिन स्टार्ट नभएपछि नेपाल वायुसेवा निगमको न्यारोबडी जहाज ग्राउन्डेड

काठमाडौं । राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को

दोलखाका सात केन्द्रमा पुनः मतदान गर्न जाँचबुझ टोलीको सिफारिस

काठमाडौं . दोलखाका सात मतदान केन्द्रमा पुन मतदान गर्न जाँचबुझ

लुम्बिनी बौद्ध विश्वविद्यालयले १८ औं स्थापना दिवस सप्ताहव्यापी रुपमा मनाउँदै

बुटवल । लुम्बिनी बौद्ध विश्वविद्यालयले आफ्नो १८ औं स्थापना दिवस

इलामबाट उदाए एमालेका महेश बस्नेत, झलनाथ खनाल पराजित

काठमाडौं । नेकपा एकीकृत समाजवादीका सम्मानित नेता एवं पूर्वप्रधानमन्त्री झलनाथ

माइतीघरमा लैंगिक हिंसाविरुद्ध सचेतनामूलक पर्फमेन्स आर्ट

काठमाडौं । काठमाडौंको माइतीघरमा लैंगिक हिंसाविरुद्ध सचेतनामूलक पर्फमेन्स आर्ट प्रस्तुत