१६ चैत्र २०८०, शुक्रबार | March 29, 2024

संविधान बनाउने नै संविधान संकटमा प-यो भन्दैछन्, श्रीमानहरुमाथि ठूलो जिम्मेवारी आइपरेको छ : एमिकस क्यूरी कार्की



काठमाडौं । प्रतिनिधिसभा विघटन विरुद्धको मुद्दामा सर्वोच्च अदालतको संवैधानिक इजलासमा आजबाट अदालतका सहयोगी एमिकस क्यूरीको राय लिन सुरु भएको छ ।

निवेदक पक्ष र विपक्षका वकिलहरुको बसह र निवदेकको तर्फबाट जवाफी बहस सोमबार सकिएपछि आजबाट एमिकस क्यूरीका सदस्यहरुले आफ्नो राय दिन सुरु गरेका हुन् ।

नेपाल बार एशोसिएसन र सर्वोच्च अदालत बार एशोसिएसनबाट पठाइएका पाँच जना एमिकस क्यूरीमध्ये वरिष्ठ अधिवक्ता बद्रीबहादुर कार्कीले पहिला आफ्नो राय दिएका छन् ।

कार्कीले राय दिँदै संविधानको व्याख्या गर्ने क्रममा न्यायाधीसहरुमाथि ठूलो जिम्मेवारी आइपरेका बताएका छन् । कार्कीले संविधान निर्माण गर्नेहरुले नै अहिले संविधान संकटमा परेको बताउँदै आन्दोलनमा उत्रिएको अवस्था रहेको बताए । कार्कीले भने, ‘जसले संविधान बनायो, जसले लागू गर्नुपर्ने थियो, ती सबै संविधान संकटमा परेको भनेर आन्दोलनमा छन्’, कार्कीले भने, तिनले संविधान दुर्घटनामा परेको महसुस गरेका छन् । त्यसैले तपाईंहरू पाँच जना श्रीमानलाई गम्भीर र ठूलो जिम्मेवारी आइपरेको छ ।’

अब इजलासका न्यायाधीशहरूमाथि ठूलो जिम्मेवारी आइपरेको बताउँदै उनले संविधानमा अन्य फिचरहरु भएपनि बहुलबादमा आधारित संसदीय व्यवस्था लेखिएका कारण अलमलिनुपर्ने कुनै कारण नभएको बताए ।

एमिकस क्यूरीका पाँच जना सदस्यले राय दिएपछि इजलासले फैसला गर्नेछ । नेपाल बारको तर्फबाट कानुन व्यवसायीहरू बद्रीबहादुर कार्की, सतीशकृष्ण खरेल र विजयकान्त मैनाली र सर्वोच्च अदालत बारको तर्फबाट पूर्णमान शाक्य र गीता पाठक एमीकस क्युरीमा चयन भएका छन् ।

अदालतको सहयोगी मानिने एमिकस क्युरीले कसैको पक्ष विपक्षमा नलागि स्वतन्त्र ढंगले आफ्नो राय दिन्छन् भन्ने अपेक्षा गरिएको हुन्छ । सर्वोच्च अदालतले कुनै विशेष मुद्दामा विज्ञको राय लिन यसअघि पनि विभिन्न मुद्दामा एमिकस क्युरी बोलाउने गरेको थियो ।

प्रकाशित मिति : ४ फाल्गुन २०७७, मंगलबार  १२ : ४२ बजे

कांग्रेस सांसद टेकबहादुर गुरुङको निलम्बन फुकुवा

काठमाडौं। नेपाली कांग्रेसका सांसद टेकबहादुर गुरुङको निलम्बन फुकुवा भएको छ

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको