११ मंसिर २०७९, आइतबार | November 27, 2022

डाक्टरहरुले बिरामी जाँच्ने शुल्क बढ्यो, कस्ता डाक्टरले कति लिन पाउँछन् ?



काठमाडौं । डाक्टरहरुले बिरामी जाँच्ने शुल्क बढेको छ ।

नेपाल चिकित्सक संघ र एसोसिएसन अफ प्राइभेट हेल्थ इन्स्टिच्युसन नेपाल ९अफिन०ले बुधबार संयुक्त प्रेस विज्ञप्ति जारी गर्दै आजैदेखि डाक्टरहरूको परामर्श र जाँच्ने शुल्क वृद्धि गरेको जनाएको छ । ।

संघ र अफिनले मंगलबार बैठक बसेर शुल्क बढाउने निर्णय गरेका हुन् । दुवै संस्थाले नेपाल राष्ट्र बैंकको मुद्रा स्फीति र शुल्क परामर्श समितिले सिफारिस गरेको शुल्कलाई आधार मानेर नयाँ परामर्श शुल्क तोकेको जिकिर गरेका छन् ।

नयाँ शुल्कअनुसार पाँच वर्षसम्मको अनुभव भएका एमबीबीएस डाक्टरको ३ सय ७० रुपैयाँ तोकिएको छ । पाँच वर्ष बढी अनुभवी एमबीबीएस डाक्टरको शुल्क ४ सय ५० तोकिएको छ । यसैगरी डिप्लोमा डाक्टरको ५१५ देखि ५९० सम्म तोकिएको छ भने एमडी, एमएस एमडीएसको ६६० देखि ७०० रुपैयाँसम्म तोकिएको छ ।

यस्तै, पाँच वर्ष अनुभव भएका डीएम एमसीएचको ७७० रुपैयाँ तोकिएको छ । पाँच वर्षभन्दा बढीको अनुभव भएका डीएम एमसीएचको भने ८२५ रुपैयाँ तोकिएको छ ।

एमडी गरी १० वर्षबढीको अनुभव भएका एमडी एमएस र एमडीएस डाक्टरको पनि जाँच्ने शुल्क ८ सय २५ तोकिएको छ ।

विज्ञप्तिमा स्वास्थ्यमा क्रियाशिल ट्रेड युनियन तथा पेशागत संघ संगठनहरूको संयुक्त संघर्ष समितिसँग स्वास्थ्य तथा जनसंख्या मन्त्रालयले माघ ४ गते सम्झौता गरे पनि कार्यान्वयन नहुँदा शुल्क बढाउन बाध्य भएको जनाइएको छ । सम्झौतामा चिकित्सकहरूको परामर्श शुल्कलाई ३० दिनभित्र लागू गर्ने प्रतिबद्धता जनाएको विज्ञप्तिमा उल्लेख गरिएको छ ।

 

 

प्रकाशित मिति : ५ फाल्गुन २०७७, बुधबार  १ : ४६ बजे

यी हुन् चुनाव जित्ने ४ बहालवाला मुख्यमन्त्री

काठमाडौं । प्रदेश तथा प्रतिनिधि सभा निर्वाचनको अन्तिम मत परिणाम

रौतहट नगएको भए मलाई नै हराउने रहेछन् : माधव नेपाल

काठमाडौं । रौतहटबाट चुनाव जितेर काठमाडौं फर्किएपछि नेकपा एकीकृत समाजवादीका

इन्जिन स्टार्ट नभएपछि नेपाल वायुसेवा निगमको न्यारोबडी जहाज ग्राउन्डेड

काठमाडौं । राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को

दोलखाका सात केन्द्रमा पुनः मतदान गर्न जाँचबुझ टोलीको सिफारिस

काठमाडौं . दोलखाका सात मतदान केन्द्रमा पुन मतदान गर्न जाँचबुझ

लुम्बिनी बौद्ध विश्वविद्यालयले १८ औं स्थापना दिवस सप्ताहव्यापी रुपमा मनाउँदै

बुटवल । लुम्बिनी बौद्ध विश्वविद्यालयले आफ्नो १८ औं स्थापना दिवस