१६ चैत्र २०८०, शुक्रबार | March 29, 2024

देउवालाई पौडेलको जवाफ : आन्दोलन गर्न पैसा हैन, नेतृत्व क्षमता चाहिन्छ



सुनसरी । नेपाली कांग्रेसका वरिष्ठ नेता रामचन्द्र पौडेलले आन्दोलन गर्न पैसा नभै निर्णय क्षमता महत्वपूर्ण हुने बताएका छन् ।

केही दिन अघि पोखरामा आयोजित एक कार्यक्रमलाई सम्बोधन गर्दै सभापति शेरबहादुर देउवाले आन्दोलन गर्न आफ्नो पार्टीसँग पैसा नभएको बताएका थिए । सदस्यता पाउने बेलामा मारामार गर्ने क्रियाशील सदस्य समेत प्रदर्शनमा नआउने अवस्था रहेको भन्दै देउवाले सार्वजनिक गुनासो गरेका थिए ।

देउवालाई जवाफ फर्काउँदै वरिष्ठ नेता पौडेलले आन्दोलनका लागि पैसा गौण भएको बताउँदै नेतृत्व क्षमता र पार्टीको निर्णय महत्वपूर्ण हुने बताएका छन् ।

आइतबार बिहान सुनसरीमा पत्रकारहरुले सोधको प्रश्नको जवाफ दिँदै पौडेलले पार्टीले आन्दोलनको आह्वान गर्नसक्नुपर्ने बताएका हुन् । पौडेलले भने, ‘पैसा भएमात्र आन्दोलन गरिँदैन । सभा, जुलुस, सभा प्रदर्शन पैसाले हुने हो र ? यो त त्यसै हुन्छ। पार्टीको संकल्प र निर्णयले हुन्छ ।’

संविधान र लोकतन्त्र रक्षाका लागि पार्टीले आन्दोलनको नेतृत्व गर्नुपर्ने उनले पुनः स्पष्ट पारे । पार्टीले आह्वान गरे नेता कार्यकर्ता समर्थक जनता लोकतन्त्रको लडाईंमा आफै आउने बताउँदै उनले त्यसको निर्णय र नेतृत्व गर्न पार्टीले सक्नुपर्ने जिकिर गरे ।

प्रतिनिधिसभा विघटन असंवैधानिक भएको निर्णय गरेको काँग्रेसले सभापति देउवाको अनिच्छाकै कारण त्यस विरुद्ध सडक आन्दोलनलाई अघि बढाउन सकेको छैन ।

देउवाले अदालतको जस्तो सुकै निर्णय मान्ने बताउँदै अहिले चुनावको तयारी गर्नुपर्नेमा जोड दिँदै आएका छन् । तर, वरिष्ठ नेता पौडेलसहितका नेताहरु भने सरकारको असंवैधानिक कदम विरुद्ध आन्दोलन नगरे लोकतन्त्र नै नरहने जिकिर गरिरहेका छन् । उनीहरुले संविधान रक्षा गर्न सके मात्र त्यसपछि चुनाव हुनसक्ने बताएका छन् ।

 

प्रकाशित मिति : ९ फाल्गुन २०७७, आइतबार  १० : ५७ बजे

बिहीबार वर्षाले अवरुद्ध नेपाल ‘ए’ र आयरल्याण्ड ‘ए’ को सिरिज आजदेखि

काठमाडौं । बिहीबारदेखि हुने भनेको नेपाल ‘ए’ र आयरल्याण्ड ‘ए’

दिल्लीमाथि राजस्थान रोयल्स १२ रनले विजयी

काठमाडौं । इण्डियन प्रिमियर लिग (आइपिएल) अन्तर्गत राजस्थान रोयल्सले दिल्ली

आजको मौसम : बाग्मती र गण्डकीमा बिहानैदेखि वर्षा, दिउँसो यी पाँच प्रदेशमा वर्षाको सम्भावना

काठमाडौं । बाग्मती प्रदेशसहितका केही स्थानमा आज वर्षाको सम्भावना छ

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व