सुनको मूल्य तोलामा आठ सय रूपैयाँले बढ्यो

काठमाडाैं। स्थानीय बजारमा आज सुनको मूल्य तोलामा आठ सय रूपैयाँले बढेको छ ।

छापावाला सुन तोलामा आज आठ सय रूपैयाँले वृद्धि भएको छ । नेपाल सुनचाँदी व्यवसायी महासंघका अनुसार शुक्रबार तोलामा ८८ हजार दुइ सय रूपैयाँमा कारोबार भएको छापावाला सुन आज ८९ हजारमा कारोवार हुने गरी मूल्य निर्धारण भएको छ ।

तेजाबी सुन शुक्रबार तोलामा ८७ हजार सात सय ५० मा कारोबार भएकामा आज ८८ हजार पाँच सय ५० मा कारोबार हुुने गरी मूल्य निर्धारण भएको छ ।

चाँदी तोलामा एक हजार तीन सय ३० मा कारोबार हुने गरी मूल्य निर्धारण भएको छ । तोलामा एक हजार तीन सय पाँचमा शुक्रबार कारोवार भएको चाँदी आज तोलामा २५ रूपैयाँले वृद्धि भएको हो ।