चितवन । सभामुख अग्निप्रसाद सापकोटाले आफ्नैे सहजिकरणमा दलहरुबीच समझदारी हुने दाबी गरेका छन् । शनिबार चितवनमा पत्रकारहरुसँग कुराकानीमा गर्दै सभामुख सापकोटाले संसद् पुनःस्थापना भएसँगै दलहरुबीच सहमति हुने विश्वास व्यक्त गरे ।
संसद्को आह्वानका लागि सरकारले राष्ट्रपतिसमक्ष सिफारिस गरिसकेको भन्दै उनले अब पहिले जसरी नै संसद् नियमित चल्ने बताए । उनले राष्ट्रपतिबाट संसद् आह्वान भएसँगै कार्यव्यवस्था समितिको बैठकको परामर्श अनुसार पुरानै तवरले संसद् पुनः सञ्चालन गर्ने जानकारी दिए ।
राजनीतिक दलको विवादले संसदीय प्रक्रियालाई कुनै असर नगर्ने बताउंदै उनले राजनैतिक दलको विवादले संसदीय प्रक्रिया नरोकीने दाबी गरे ।
पत्रकारहरुले सोधेको संवैधानिक नियुक्तिका विषयमा भने उनले अदालतमा बहस भइरहेको भन्दै विचारधिन बिषयमा टीकाटिप्पणी गर्नु उचित नहुने बताए ।
प्रतिक्रिया