काठमाडौं । सरकार र विप्लव नेतृत्वको प्रतिबन्धीत नेकपाबीच प्रधानमन्त्री निवास बालुवाटारमा वार्ता शुरू भएको छ ।
प्रधानमन्त्री निवास बालुवाटारमा दुवै वार्ता टोलीबीच छलफल शुरु भएको निकट स्रोतले जनाएको छ ।
सरकारी वार्ता टोलीको संयोजन गृहमन्त्री रामबहादुर थापा बादलले गरेका छन् भने विप्लव समूहको नेतृत्व खड्क विश्वकर्माले गरेका छन् ।
वार्तामा सहभागी हुन विप्लव नेतृत्वको वार्ता टोली मंगलवार साँझ काठमाडौं आएको थियो ।
सरकारले गृहमन्त्री थापाको नेतृत्वमा र डा. राजन भट्टराई रहेको वार्ता टोली बनाएलगत्तै विप्लव समूहले पनि विश्वकर्माको संयोजकत्वमा र उदय चलाउने सदस्य रहेको वार्ता टोली बनाएको थियो ।
प्रतिक्रिया