काठमाडौं । प्रचण्ड-नेपाल नेतृत्वको नेपाल कम्युनिष्ट पार्टी नेकपाको केन्द्रीय कमिटी बैठक सुरु भएको छ ।
पार्टी कार्यालय पेरिसडाँडामा बैठक सुरु भएको हो । बैठकले संसदीय दलको नेता फेर्ने निर्णयलाई अनुमोदन गर्ने बताइएको छ ।
यसअघि, आजै बसेको स्थायी कमिटी बैठकले संसदीय दलको नेता फेर्ने पूर्व निर्णयलाई केन्द्रीय कमिटीबाट अनुमोदन गर्ने प्रस्ताव तय गरेको थियो । प्रचण्ड नेपाल नेकपाले प्रधानमन्त्री एवं संसदीय दलका नेता केपी शर्मा ओलीलाई यसअघि नै दलको नेताबाट हटाएर पुष्पकमल दाहाल प्रचण्डलाई नेता बनाउने निर्णय गरेको थियो ।
स्थायी कमिटी सदस्य देवेन्द्र पौडेलका अनुसार संसदीय दलको नेता फेर्ने यसअघिको प्रस्तावलाई पार्टीको केन्द्रीय कमिटीबाट अनुमोदन गर्नका लागिएको बताए । नेता पौडेलले केन्द्रीय कमिटी बैठकमा संसदीय दलको नेतासहित, मुख्य सचेतक र अविश्वासको प्रस्तावका विषयमा छलफल हुने जानकारी दिए ।
संसदीय दल पार्टीकै एक अंग भएका कारण पार्टीको बहुमतले गर्ने निर्णय संसदीय दलमा लागु हुने प्रचण्ड नेपाल नेकपाको दाबी छ । यद्यपी, संसदीय दलको नेता भने पार्टीका सांसदहरुले चयन गर्ने गर्दछन् ।
प्रतिक्रिया